واشنگٹن: امریکی صدر ڈونلڈ ٹرمپ آئندہ ہفتے چین میں ہونے والے سہ فریقی مذاکرات کے دوران چینی صدر شی جن پنگ اور روسی صدر ولادیمیر پیوٹن سے ایران جنگ پر تبادلہ خیال کریں گے، تاہم یوکرین میں جاری روسی جنگ کا معاملہ زیرِ بحث آنے کا امکان نہیں۔
خبر رساں ادارے اے ایف پی کے مطابق ایک سینئر امریکی عہدیدار نے صحافیوں سے گفتگو کرتے ہوئے بتایا کہ صدر ٹرمپ سہ فریقی ملاقات میں ایران کی صورت حال پر بات کرنے کا ارادہ رکھتے ہیں۔
عہدیدار نے جمعرات کو شین ژین میں ہونے والی ملاقات سے قبل صحافیوں کو ٹیلی فون پر بریفنگ دیتے ہوئے کہا کہ ٹرمپ، شی جن پنگ اور پیوٹن کے ساتھ سہ فریقی نشست میں ایران جنگ کا معاملہ اٹھائیں گے۔
امریکی عہدیدار کے مطابق اس ملاقات میں ایران جنگ پر بات چیت متوقع ہے، تاہم روس اور یوکرین کے درمیان جاری جنگ کو مذاکرات کے ایجنڈے میں شامل کیے جانے کا امکان نہیں۔
عہدیدار نے اپنا نام ظاہر نہ کرنے کی شرط پر گفتگو کی۔ سہ فریقی ملاقات کے دیگر ممکنہ موضوعات یا مذاکرات کی تفصیلات فوری طور پر سامنے نہیں آئیں۔
