پاکستان کے معروف راک گلوکار علی عظمت نے آزاد کشمیر کے علاقے چکوٹھی میں پاک بھارت سرحد کے قریب قومی نغمہ ’دل دل پاکستان‘ پیش کرکے ماحول کو وطن سے محبت کے جذبے سے بھر دیا۔ ان کی اس پرفارمنس کی ویڈیو سوشل میڈیا پر گردش کر رہی ہے اور صارفین کی توجہ حاصل کر رہی ہے۔
وائرل ہونے والی ویڈیو میں علی عظمت کو سرحدی مقام پر کھڑے ہوکر معروف ملی نغمہ گاتے دیکھا جاسکتا ہے۔ ان کی آواز میں اس قومی گیت کی پیشکش نے دیکھنے والوں کو متاثر کیا، جبکہ سوشل میڈیا صارفین بھی اس پرفارمنس کو سراہ رہے ہیں۔
View this post on Instagram
علی عظمت کا شمار پاکستان کے نمایاں راک گلوکاروں میں ہوتا ہے۔ وہ معروف میوزک بینڈ جنون کے مرکزی گلوکار کی حیثیت سے شہرت حاصل کرچکے ہیں۔ بینڈ کے مقبول گیتوں میں ’جذبہ جنون‘، ’سیونی‘ اور ’دوستی‘ شامل ہیں۔
واضح رہے کہ ’دل دل پاکستان‘ ملک کے مقبول ترین ملی نغموں میں شمار ہوتا ہے۔ اسے 1985 میں میوزک بینڈ وائٹل سائنز نے جنید جمشید کی آواز میں پیش کیا تھا۔ اس نغمے کے بول شعیب منصور اور نثار ناسک نے تحریر کیے تھے۔
ماخذ
